17 މެއި 2012

ދިވެހިރާއްޖޭގެ ހަތަރު ސަރަހައްދެއްގައި މަސްކަދުފަތި އެޅުމުގެ މަޝްރޫޢެއް ފިޝަރީޒް މިނިސްޓްރީއިން މިއަދު ފަށައިފައިވާތީ އެކަމަށް ޑީއާރުޕީއިން މަރުހަބާ ކިޔަމެވެ.

މަސްވެރިންނަށް، މަސްކަދުފަތި، ނުހަނު ބޭނުންވެފައިވާތާ ގިނަ ދުވަސްތަކެއް ފާއިތުވެދިޔައިރު، މިކަމަށް ހައްލެއް ހޯދުމަށް ޑީއާރުޕީގެ މަސްވެރިންގެ ގޮފީގެ ފަރާތުން ނިމިގެންދިޔަ ސަރުކާރުގަވެސް ވަނީ ގިނަ ގުނަ މަސައްކަތްތަކެއް ކޮށްފައެވެ. ކުރީގެ ސަރުކާރުގެ ތަފާތު ވުޒާރާތަކަށް މިކަމަށް އެދި ޑީއާރުޕީއިން ތަފާތު ފަހަރުމަތިން ސިޓީ ފޮނުވާފައިވިކަމުގައިވިއަސް އެކަމަށް އެއްވެސް އެދެވޭ ޖަވާބެއް ލިބިފައެއް ނުވެއެވެ. »އިތުރު ތަފްސީލް»

11 މެއި 2012

ދިވެހިރައްޔިތުންގެ ޕާޓީ ( ޑީއާރުޕީ ) ގެ ޚާއްސަ ޖަލްސާތަކެއް އައްޑުއަތޮޅުގައި ބާއްވަން ނިންމައިފިއެވެ. މިގޮތުން މިރޭ އައްޑުއަތޮޅު ހިތަދޫ ޝަރަފުއްދީން ސްކޫލްގައި ޖަލްސާ ބާއްވާއިރު، މާދަމާ ހެދުނު ޑީއާރުޕީގެ ޓީމް ހުޅުމީދޫއަށް ޒިޔާރަތް ކުރުމަށް ހަމަޖެހިފައިވެއެވެ. އަދި އެރަށުގައި ހަރަކާތްތަކެއް ކުރިއަށް ގެންދިއުމަށްފަހު މާދަމާރޭ ފޭދޫ ސްކޫލްގައި ޖަލްސާއެއް ބޭއްވުމަށް ޑީއާރުޕީއިން ވަނީ ނިންމައިފައެވެ. »އިތުރު ތަފްސީލް»

7 މެއި 2012

2013 ގެ ރިޔާސީ އިންތިޚާބުގައި މިސަރުކާރުގައި ހިމެނޭ ޕާޓީތަކުން ތަފާތު ކެންޑިޑޭޓުން ވާދަ ކުރައްވާނެ

ޑީއާރުޕީގެ އާއޮފީހާ ހަރުގެ ހުޅުވުމުގެ ގޮތުން މިރޭ ވެރިރަށް މާލޭގައި ބޭއްވި ޚާއްސަ ރަސްމިއްޔާތެއްގައި ވާހަކަފުޅު ދައްކަވަމުން ޑީއާރުޕީގެ ލީޑަރު އަހުމަދު ތަސްމީން އަލީ ވިދާޅުވީ، ޑީއާރުޕީއަކީ މެދުމިނުގެ ވިސްނުމަށް ތާއީދު ކުރައްވާ ޕާޓީއެއް ކަމަށެވެ.

” ޑީއާރުޕީގެ މައިގަޑު ވިސްނުން ބިނާވެފައިވަނީ މެދުމިނުގެ ވިސްނުން ގެންގުޅެން. ޑީއާރުޕީއިން ހަރުކަށި ސިޔާސަތުތަކަށް ތާއީދު ނުކުރާނެ” ތަސްމީން ވިދާޅުވިއެވެ. »އިތުރު ތަފްސީލް»

3 މެއި 2012

ރައްޔިތުންނަށް ކަންކަމުގެ ހަޤީޤަތް ހާމަކޮށްދީ، ހޭލުންތެރިކަން އިތުރުކޮށްދީ، ހައްޤު ބަސް ބުނެ، މަޢްލޫމާތު ފަތުރައި، ރާއްޖޭގެ ޑިމޮކްރެސީގެ މާހައުލު ހަރުދަނާ ކުރުމަށްޓަކައި ވަރުބަލިކަމެއްނެތި މަސައްކަތް ކުރަމުން ގެންދާ މީޑިއާގައި މަސައްކަތްކުރާ ޚިދުމަތްތެރި، އުޚުތުންނާއި އަޚުންނަށް މިއަހަރުގެ ދުނިޔޭގެ ނޫސްވެރިކަމުގެ މިނިވަންކަމުގެ ދުވަހުގެ ތަހުނިޔާ ރައްދުކުރަމެވެ.   »އިތުރު ތަފްސީލް»

ކޮމަންވެލްތުން ރާއްޖެ ވަކިވުމަށާއި ޕްރައިވެޓް ހޮސްޕިޓަލްތަކުން އާސަންދަ ކަނޑާލުމަށް ޑީއާރުޕީން ތާއީދު ނުކުރާ ކަމަށް ޕާޓީގެ ލީޑަރު އަދި ރައްޔިތުންގެ މަޖިލީހުގެ ކެންދޫ ދާއިރާގެ މެމްބަރު އަހްމަދު ތަސްމީނު އަލީ މިއަދު ވިދާޅުވެއްޖެ އެވެ.

މިޚަބަރާގުޅޭ އިތުރުތަފްސީލް

ހަވީރު އޮންލައިން

ސަން އޮންލައިން ކޮމަންވެލްތް މައްސަލައާ ގުޅޭ

ސަން އޮންލައިން އާސަންދައާ ގުޅޭ

30  އޭޕްރީލް 2012

ދިވެހިރާއްޖޭގައި މިވަގުތު އޮތް އެންމެބޮޑު ޕާޓީ އެމްޑީޕީގެ ރައީސް ޑރ އިބްރާހިމް ދީދީ (ޑީޑީ) އާއި ނައިބު ރައީސް އަލްހާން ފަހުމީގެ މައްޗަށް އިތުބާރު ނެތް ކަމުގެ ވޯޓު ނަގައި، މިއަދު ހަވީރު ބޭއްވި އެމްޑީޕީގެ ޤައުމީ މަޖިލީހުގެ ބައްދަލްވުމުގައި، އެދެބޭފުޅުން އެދެމަޤާމުން ވަކިކުރިކަމީ ޑީއާރުޕީއިން ހިތާމަ ކުރާ ކަމެކެވެ.

އެމްޑީޕީއަށް އިންތިޚާބު ކުރެވޭ ކޮންމެ ރައީސަކުވެސް ވަކި ފަރާތްތަކެއްގެ ނުފޫޒުގެ ސަބަބުން މަޤާމުން ދުރަށްދާން ޖެހުނުއިރު، އެމްޑީޕީއިން ފެނުނު މިއަމަލުތަކަކީ »އިތުރު ތަފްސީލް»

19 އޭޕްރީލް 2012 

ދިޓިވީގެ ހަބަރުތެރެއިން ޕްރޮގްރާމްގައި ރޭގަ ވާހަކަފުޅު ދައްކަވަމުން ޑީއާރުޕީގެ ލީޑަރު އަހުމަދު ތަސްމީން އަލީ، ވިދާޅުވީ ރާއްޖޭގެ ސިޔާސީ ދާއިރާގައި އުޅުއްވާ ބޭފޫޅުންނަށް ވެސް އިންކްއަރީ ކޮމިޝަނާއި ގުޅޭ ގޮތުން ގިނަ ރައްޔިތުން ދެކޭ ގޮތް ސާފުކޮށް ދަންނަވަން ނޭގޭ ކަމަށެވެ.

” އަޅުގަނޑު ހަމަ ހައިރާންވި ކޮމަން ވެލްތުން އެ ނެރުނު ބަޔާނުގައި ރާއްޖޭގެ ގިނަ ބަޔަކު އިންކުއަރީ ކޮމިޝަނަށް ތާއީދު ނުކުރާ ވާހަކަ ބުނެފައި އޮތުމުން. އެބޭފުޅުންނަށް ކިހިނެއްތޯ އެނގެނީ އެހެން ވިދާޅުވާން! ކޮމަންވެލްތުގެ މިނިސްޓްރީއަލް ގްރޫޕް، ސީމެގުން، އިންކްއަރީ ކޮމިޝަނަކީ މިނިވަން ކޮމިޝަނެއް ނޫންކަމަށް ބުނާއިރު އެފަރާތުން ރަގަޅަށް ކަންހިގި ގޮތް ބަލަންޖެހޭނެ ” ތަސްމީން ވިދާޅުވިއެވެ. »އިތުރު ތަފްސީލް»

9 އޭޕްރީލް 2012

ޑީއާރުޕީގެ އަންހެނުންގެ ގޮފީގެ ފަރާތުން ރައްޔިތުންގެ މަޖިލީހަށް ހުށަހެޅި ގެވެށި އަނިޔާ ހުއްޓުވުމުގެ ބިލް ރައްޔިތުންގެ މަޖިލީހުގެ މިއަދުގެ ޖަލްސާގައި ފާސްކޮށްފައިވާއިރު، މިބިލް ފާސްވުމަކީ ގެވެށި އަނިޔާތައް ހުއްޓުވުމަށް ލިބޭނެ ވަރަށްބޮޑު ކުރިއެރުމެއް ކަމަށް ތުލުސްދޫ ދާއިރާގެ މެންބަރު ރޮޒެއިނާ އާދަމް ވިދާޅުވެއްޖެއެވެ.

ޑީއާރުޕީ އޮފީހުގައި މިއަދު ނޫސްވެރިންނަށް މައުލޫމާތު ދެއްވަމުން މިބިލް މަޖިލީހުގެ ތަޅުމަށް ހުށަހަޅައިދެއްވި ރޮޒެއިނާ ވިދާޅުވީ، މިބިލް ފާސްވެގެން ދިއުމުގެ ސަބަބުން ރާއްޖޭގެ ކުދިބޮޑު އެއްމެންނަށް އެއްވެސް ކަހަލަ އަނިޔާއެއް، ގޭތެރޭގެ މާހައުލުގަ ލިބޭނަމަ އެކަމުގެ ހައްލު ފަސޭހައިން ލިބިދެވޭނެ ކަމަށެވެ. »އިތުރު ތަފްސީލް»

3 އޭޕްރީލް 2012

ރޭ ދި ޓީވީއިން ގެނެސްދިން ޚަބަރުތެރެއިން ޕްރޮގްރާމްގައި ވާހަކަފުޅު ދައްކަވަމުން ތަސްމީން ވިދާޅުވީ، އެއްބައިވަންތަ ސަރުކާރެއްގައި މަސައްކަތްކުރެއްވި ނަމަވެސް، ރިޔާސީ އިންތިޚާބެއް ބާއްވާނަމަ ޑީއާރުޕީގެ ފަރާތުން އެއިންތިޚާބުގައި ކެންޑިޑޭޓަކު ވާދަ ކުރައްވާނެ ކަމަށެވެ.

ރައީސުލްޖުމްހޫރިއްޔާ ޑރ މުޙައްމަދު ވަޙީދު ޙަސަން މަނިކު އެކުލަވާލައްވާފައިވާ، އެއްބައިވަންތަކަމުގެ ސަރުކާރުގައި، ގިނަ ޕާޓީތަކެއް ގުޅިގެން މަސައްކަތް ކުރިއަސް، ދެން އޮންނަ ރިޔާސީ އިންތިޚާބެއްގައި ގިނަ ޕާޓީތަކެއް ވާދަކުރައްވާނެ ކަމަށް ބެލެވޭ ކަމަށާއި، އެއީ މައްސަލައެއް ނޫން ކަމަށް ތަސްމީން ވިދާޅުވިއެވެ. »އިތުރު ތަފްސީލް»

27 މާޗް 2012

ޑީއާރުޕީގައި ހުންނެވުމަށްފަހު، އެމްޑީޕީއާ ގުޅިވަޑައިގަތް ރައްޔިތުންގެ މަޖިލީހުގެ މާފަންނު ހުޅަނގު ދާއިރާގެ މެމްބަރު ޢަބްދުﷲ ޢަބްދުއްރަޙީމް ، އެމްޑީޕީއިން ވަކިވެވަޑައިގެން އަނެއްކާވެސް ޑީއާރުޕީއާ މިއަދު ގުޅިވަޑައިގެންފިއެވެ.

މިއަދު އިރުއޮއްސުނުއިރު ޑީއާރުޕީ އޮފީހުގައި ނޫސްވެރިންގެ ހާޒިރުގައި، ޑީއާރުޕީ މެމްބަރޝިޕް ފޯމުގައި ސޮއި ކުރެއްވުމުގެ ކުރިން، ޢަބްދުﷲ ޢަބްދުއްރަޙީމް ވިދާޅުވީ، އަލުން ޑީއާރުޕީއާ ގުޅިވަޑައިގެންނެވީ އެމްޑީޕީގެ މިހާރުގެ ފިކުރާ އެބޭފުޅާގެ ފިކުރާ ދިމާނުވުމުގެ އިތުރުން އެމްޑީޕީގައި ފެކްޝަން އުފެދިފައިވާތި ކަމަށެވެ. އަދި އެމްޑީޕީއިން ޖަރީމާތަކެއް ހިންގި ކަމަށާއި، އެކަން ހުއްޓާލުމަށް އެދުމުން ވެސް ހުއްޓާނުލުމުން އެމްޑީޕީގެ ހަރަކާތްތަކާ ދުރަށް ވަޑައިގެންނެވީ ކަމަށް ޢަބްދުﷲ ޢަބްދުއްރަޙީމް  ވިދާޅުވިއެވެ. »އިތުރު ތަފްސީލް»